إتهمت الإعلامية الكويتية مي العيدان الممثلة الكويتية فرح الهادي بعد أن أعلنت حملها للجمهور بمقطع فيديو عبر السوشيال ميديا، معتبرة أن الأمر كله من أجل الترند.
وشاركت مي العيدان الجمهور مقطع فيديو فرح، وعلقت: "ابي افهم اشحقه الافلام اذا انتي رايحه مختبر ومسويه تحليل و الحين اتصورين الفيديو ان متفاجاءه. . و الله عيب ان يكون محتوى الانسان حياته الخاصه . . يعني انتم انسحب عليكم ك ممثلين ما احد بطلبكم انتجتوا مسرحية الخفافيش وما نجح العرض وفشلت المسرحيه رغم التكلفه الانتاجيه العاليه وماكررتوها ومسلسلات صار لكم جم سنه واقفين وماعليكم طلب ماكو الا هالياهل اللي طايحين تصوير من اول ما انخلق وقاعدين تستثمرونه مره اعلان مسرحيه وماشاء الله حتى المسرحيه اوقفت وما اطلعت و بعدين سويتوا ملابس ب اسم الولد قاعدين تستغلون محبة الناس لهالطفل اللي مايدري وينه من الدنيا لان طبيعة البشريه الناس اتحب صور وفيديوهات الاطفال و اكبر دليل اشكثر بروفيلات لاطفال ما انعرفهم و الناس بالملايين يتابعونهم طبيعه بشريه لكن خل سبب فشلكم بتمثيل هو اللي خلاكم اتصورون هالفيديوهات الساذجه و المفروض نصدق مثلا؟! مو انتي قبلها بالسناب مصوره رايحه مختبر امزين رتبي المشاهد صح او جيبولكم مخرج حق ترتيب افلامكم بالسناب".
